Google lætur enn bíða eftir sér

Eftir allt saman báðu Google og AAP og Authors Guild um frest til 13. nóvember til að fjalla um sátt Google við AAP og Authors Guild um skiptingu á tekjum á höfundarréttarvörðu efni sem skannað hefur verið og sett á netið innan ramma Book Search prógramms Google. Enn er deilt um hvernig eigi að ráðstafa tekjum af munaðarlausum verkum og hvort þau eigi að falla undir sáttina eða ekki. Google hefur lagt mikla áherslu að setja munaðarlaus verk þarna inn (þ.e. verk sem ekki er vitað hver á höfundarréttinn að) en um leið er ljóst að margt í því stangast á við bandaríska löggjöf.

Evrópskir útgefendur bíða enn eftir næstu skrefum og halda áfram að bræða með sér hver úrskurður dómarans í New York verður eftir að menn hafa reifað málin fyrir honum.